Ads Not Available

【安老按揭教室】5大地雷你要知

  • 地產資訊
  • 【安老按揭教室】5大地雷你要知
  •  |  2021 年 8 月 16 日

上一篇文章基本咁介紹咗安老按揭(又稱為「逆按揭」)係咩嘢,今次千居將會帶大家深入睇吓安老按揭有咩地雷。了解地雷區,一定唔會衰!


立即跳往:安老按揭唔洗還錢?提前還款唔使罰錢?安老按揭唔使做有收入?安老按揭有賺冇蝕?安老按揭作為安老選擇?


1. 安老按揭唔洗還錢?

「借錢梗要還」電視廣告都有教我哋,世界上係唔會有免費午餐。安老按揭亦都一樣,雖然佢標榜唔使還錢,但大家唔好忘記,唔還錢嘅話要將層樓交俾銀行,由銀行賣出用嚟還債。如果唔想銀行賣樓、想要贖番物業嘅話,就要用錢還債。所以其實兜兜轉轉結果都係要還錢嘅。


2. 可以提前還款唔使罰錢咁好?

唔使額外俾錢係真嘅,但提前還款需要一筆過全數清還,而且要承擔累算利息同解除安老按揭嘅相關法律費用。雖然唔使罰錢,但要短時間內俾一大筆錢出嚟,一定唔容易,並非想像中咁好。


【上車之選】搜尋 600 萬內最新樓盤 →


3. 安老按揭唔使做有收入咁好?

其實所謂嘅收入並唔係額外賺嘅錢,而係自己嘅物業一啲啲咁變換成錢啫。來來去去用緊嘅都係自己嘅錢,只不過你唔多覺咁解啫。


4. 安老按揭有賺冇蝕?

如果你嘅物業價值唔超過 800 萬,可以做到全數按揭。但如果物業價值再高啲,就會逐漸減少按揭金額,即係話你攞唔返同物業原有價值相同嘅金額。與此同時,你其實要抵押層樓落去做安老按揭。假設你最終唔贖番物業,銀行就會獲得業權,成件事變相係銀行用少咗錢去買你幢樓。

物業價值同按揭金額未必係一比一。圖片來源:on.cc。

【最新樓盤】搜尋所有放盤 →


5. 安老按揭係一個好嘅安老選擇?

整體而言,除非業主本身無打算將物業留俾子女,安老按揭並唔係一個好嘅安老選擇。

如果還錢贖樓嘅話,計埋利息同雜費,老人家使嘅錢仲多過原本借嘅錢,俾得起呢個錢嘅話一開始根本就唔需要借。如果唔還錢贖樓嘅話,年輕時努力工作幾經辛苦先供完嘅嗰層樓,轉個頭又俾返銀行,留唔到俾仔女,老人家一定會好無奈,辛苦咗咁耐到底為乜。所以,安老按揭並非一個好嘅安老選擇。

安老按揭雖然有吸引人嘅地方,但大家都要留意以上幾點,避免中伏啊!

訂閱網誌

接收最新的樓市動態和見解分享