房地產界術語教室(一)—樓宇建築篇

  • By
  • Doris So
  • March 15, 2017

各行各業都俱備自己一套嘅術語,房地產界當然都不乏有趣又活靈活現嘅術語啦!云云術語當中,你又識幾多個呢?即刻跟實一連三堂嘅千居「房地產界術語教室」,認識更多樓宇術語啦!

今堂就同大家講解樓宇建築方面嘅暗語。

一、積木樓

圖片來源:大人物

積木樓係一個建築方法,將前期嘅工序,例如牆身同浴缸等預先喺地盤以外嘅地方預先製成,再運到地盤完成組裝,就好似將一嚿一嚿嘅積木搭建成一座高樓。

積木樓嘅好處就係效率較高,施工時間比傳統快約3個月,亦都省略去搭棚嘅功夫,工程引起嘅塵埃同嘈音都會因此而大大減少。

二、鳳凰樓

樓宇頂層對落一層就叫做鳳凰樓。龍鳳龍鳳,一睇便知龍與鳳,大家都知道喺中華文化中嘅傳說中,龍擁有最高嘅地位,而鳳凰為百鳥次王,地位僅次於龍。樓宇樓層就用咗鳳凰黎代表第二高的樓層。

三、化妝樓

化妝樓呢個名改得非常繪聲繪影,所指嘅就係賣家賣樓前,花錢裝修單位,掩飾其內部問題同瑕疵,某啲化妝樓可能暗藏漏水、損毀等問題。唔想買錯化妝樓,睇樓嘅時候就要好好驗清楚喇!

四、屋仔

圖片來源:蘋果日報

講到屋仔,其實係指獨立屋,住喺市區嘅你可能比較少見,喺新界例如清水灣元朗等等就比較常見喇。

五、凸海凹海

有個海字大家都應該估到同望海嘅單位有關,凸海同凹海係指望大海景嘅單位。所謂凸海單位係指望到無敵大海景嘅單位,而凹海就係指陷入嘅單位,所望嘅海景會有些少阻礙,望到部分凸海嘅單位。

例如位於荔枝角美孚新邨係喺1968年落成,喺八十年代開始填海之前,前方就係荔枝角灣,擁有凸海同凹海單位。

圖片來源:蘋果日報

六、一線海

全海景大家就聽得多啦,亦相信係絕大部分人夢寐以求嘅樓。而一線海就係指只有一條罅咁窄嘅海景,只得一條線海景嘅單位你又渴唔渴求呢?

想搵有理想景致嘅樓?就要善用千居嘅篩選功能喇!只要喺搜尋版面嘅「更多…」選項中,選擇你想要嘅景觀(下圖紅框),例如海景、山景、開揚景、園景等等,咁就可以快速篩選出最適合你嘅單位!

即刻上千居去搵你夢寐以求嘅樓啦!

分類"