新居入伙習俗多 五大儀式要做足

  • By
  • Doris Liu
  • June 6, 2017

有新屋住嘅人一定好興奮,迫不及待想快啲入伙,但係再急都唔好忘記以下呢啲注意事項:

1. 入伙前拜四角

拜四角祭品。圖片來源:blogspot。

喺收到物業後、尚未動土裝修前,應該揀一個適宜祭祀嘅日子進行拜四角,意思係禮貌地向新屋嘅土地神明打個招呼,祈求佢哋保佑一切順順利利。

2. 搬屋擇日擇時辰

圖片來源:d1xz。

要揀個良辰吉日搬屋,一般嚟講睇日曆寫住宜移徙宜入宅就得啦。而且搬屋嘅時間最好選擇在中午之前,一定要喺日落之前完成,唔好夜晚入屋。

3. 吉利小儀式

圖片來源:dummies。

開爐煲水就代表正式入伙,加上打開窗通通風,寓意入伙之後一家人風生水起。米缸入面放一封利是,祈求新居入伙豐衣足食。準備一啲硬幣喺一踏入家門時,一邊講「雙腳踏入來,富貴帶進來」,一邊將硬幣撒向地下,寓意金銀滿屋。

4. 搬嘢有先後次序

圖片來源:jon pritchard 。

離開舊居時,首先將貴重物件搬出;搬入新屋時,最好由自己同家人親手將貴重物件搬入,唔好空手入屋。

5. 個人言行要注意

圖片來源:Quote Master。

搬屋當日最好著帶有色彩嘅衫褲,唔好著白色衫褲。入屋要跟長幼次序,家長行先,細路行後。另外,入屋時應該講啲吉利說話,例如家宅平安、萬事如意等等。

以上嘅儀式僅供參考,唔同宗教可能會有少少唔同。不過,無論咩宗教嘅儀式,都係保佑入伙嘅人安居樂業嘅,所以大家唔好忽略呢啲大大小小嘅儀式呀。

想搵間舒適又好住嘅新屋?即刻上千居睇吓全港各區樓盤啦!

分類"