業主請注意!想搵好租客?試下網上放盤啦!

  • By
  • 千居 Spacious
  • August 17, 2015

其實搵租客同拍拖無乜分別,都係要搵一段時間先搵到好對象。以前業主只可以靠地產代理宣傳租盤,但今時今日業主可以靠自己喺網上放盤。以下係Spacious為你提供嘅網上放盤小提示!
rsz_listing-cover
善用網上平台
想搵好租客,首先你要有得揀! 而家有好多網上放盤平台可以俾你宣傳自己既物業,SpaciousGeoexpat Forum都可以俾業主免費放盤,記得放多啲相同埋寫多啲得意既介紹喎!!
買張太空卡
係網上放盤最重要係放埋自己個contact,等有興趣既買家同租客可以搵到你,但網上呢家野,放得上網就幾乎個個都可以見到你電話號碼。唔想私隱外泄或者俾agent煩住話要代你放盤? 記得放盤前買個第二個電話號碼既sim卡喇!
listing2
留意放盤條款
雖然而家有好多網上放盤既途徑,但間間既條款同放盤期限都唔一樣。好似Spacious就俾業主免費放盤4個星期,而591租屋網就做緊300蚊放30日。放盤前,最好了解清楚細則條款,唔好未搵到客就蝕左錢!
儘快回覆查詢
記住網上平台方便業主得黎又方便租客,一個客可以同時聯絡緊幾個單位既業主。想交易成功,好多時就係要快! 根據非正式統計,最快回覆客人查詢就最大可能可成功出租到物業。記得多啲check email同聽電話喇!