Ads Not Available

2017復活節假期精選五大親子活動

  • By
  • 千居 Spacious
  • April 12, 2017

就快到復活節啦,大家諗好點樣享受呢個假期未?Spacious千居為你搜羅咗以下呢5個復活節限期活動,祝你復活節快樂!
1. DREYER’S  x 玩具”反”斗城
只要喺海報入面寫嘅日期去玩具”反”斗城指定分店購買任何產品,就有機會免費試食DREYER’S升級版皇牌雪榚,仲有機會玩小遊戲贏取精美禮品。玩到一身大汗嘅時候有免費雪糕食,小朋友肯定會好開心!喺復活節假期期間,你可以帶小朋友到玩具”反”斗城九龍灣Megabox分店,購物兼免費試食雪糕。

圖片來源:Facebook

2. 健達奇趣蛋 x 愉景灣
沙灘獵蛋奇兵2017將會喺4月14及15日假愉景灣大白灣沙灘舉行。3至10歲嘅小朋友都可以參加,如果搵到金、藍、黃、紅、白、粉紅、啡及紫色巨蛋就可以贏得特別大獎,獎品十分豐富!

圖片來源:dbeasteregghunt2017

3. 海洋公園
海洋公園由4月5號至4月23號舉辦嘅春日歷險活動,目標係透過各種歷險活動、動物觀察和小組挑戰,為小朋友提供一個既有趣又富教育意義嘅探索體驗!呢個活動適合4至12歲嘅小朋友參加,可以選擇中文或者英文主講。小朋友參加歷險活動嘅時候,大人就可以入樂園玩機動遊戲,解決咗大人因為要照顧小朋友而唔可以玩機動遊戲嘅難題!

圖片來源:Ocean Park

4. We嘩! 充氣嘉年華 X 荃新天地
4月8日至4月17日呢段期間每日朝早11點至晚上7點,荃灣荃新天地1期及2期嘅多款互動遊戲同巨型充氣設施等緊你!今次充氣嘉年華嘅主題係「奇幻動物樂園」,特別加入VR虛擬實境同AR擴增實境技術,仲有高達7米嘅滑梯同彈床,小朋友一定會好享受呢個色彩繽紛嘅動物世界!

圖片來源:wekids

5. BOUNCE
位於九龍灣國際展貿中心的BOUNCE,場內設有80幾張互相連接嘅彈床,場地寬敞廣闊、色彩繽紛,又設有馬戲團等級的軟墊同巨大的氣囊,確保玩家嘅安全。自由跳躍、花式入樽、閃避球同埋飛簷走壁等活動都一應俱全。由4月4號起直到4月23號推出復活節優惠——「無得頂4人假期超級門票」,一家大細可以一齊過一個充滿動感嘅復活節!

圖片來源:Bounce Inc
分類"