找不到相關結果
【睇樓前必讀】睇樓紙勿亂簽！代理文件要搞清
租買攻略 | 2026 年 9 月 15 日
網上搵樓，找到心水單位，下一步是安排睇樓，經由地產代理帶上單位，都要簽署一份俗稱「睇樓紙」的文件。睇樓紙的作用是甚麼？睇樓前，你必須搞清楚這些睇樓紙的條款細則！
想緊貼樓市動向，立即追蹤千居 Facebook 及 Instagram 專頁（@spacious.hk），掌握最新地產資訊。
租買都要簽 睇樓紙免代理失佣金
根據《地產代理常規（一般責任及香港住宅物業）規例》，不論是租是買，持牌代理帶客睇樓前，必須與有睇樓客戶簽署「地產代理協議」，亦即「睇樓紙」。雙方簽過睇樓紙後，睇樓客不得事後經由另一代理或直接向業主租買該視察單位，否則須向原代理賠償佣金。
睇樓紙的作用，主要是保障帶睇樓的該位代理以及其所屬代理公司，免得睇樓客向代理探口風，嘗試找出業主的聯絡方式，過橋抽板，飛起代理，直接與業主商洽，又或與其他代理比價，以求壓低佣金。
臨上樓前簽睇樓紙
至於實際甚麼時候簽睇樓紙，其實沒有硬性規定。有代理會於臨上樓前跟客簽睇樓紙，譬如在屋苑大堂等𨋢期間、等管理處提供單位鎖匙之際等等；亦有代理認為此舉過於唐突，會等到上樓後才慢慢簽，甚至睇完樓至簽。
對代理最有保障的做法，當然是上樓前用 5 – 10 分鐘的時間，雙方坐低詳細讀過協議內容才簽，確保客戶入屋前已了解睇樓的代價，避免睇完樓才有爭執。
有效期 3 個月內
地產代理監管局建議，睇樓紙的有效期（或委託期）為3個月，但非硬性規定。一般而言，睇樓紙的期限不超過 3 個月，即是客戶不得於睇樓日起計 3 個月內經由其他代理租買有關單位。實際有效期或有出入，租買人士必須與地產代理談洽，不過代理個人未必可擅自更改條款，或須先得所屬代理公司同意。
如果於委託期一欄見有「直至另行通知」等字眼，客戶應要求代理列明確實之年月日，以保障自己。
倘若該地產代理公司並不同意縮短委託期，你應該徵詢律師尋求解決辦法，並不宜在沒有諮詢法律意見的情況下，在委託期屆滿前，經另一家地產代理公司購入原先委託的代理所介紹的單位，因為你可能因此需要向兩家地產代理公司繳付佣金。
直系親屬亦受此限
除了睇樓本人外，睇樓客的直系親屬，包括父母、子女、配偶和兄弟姊妹亦受此限。舉例，假使陳先生與其兄長均正在尋找放租單位，兩人互不知情，陳先生由代理 A 帶睇樓，兄長則由代理 B 帶睇樓，最終陳先生成功租入單位，由於二人為親屬，兄長就要向代理 B 賠佣。這個例子下，即使睇樓客無意跳過代理，亦因疏忽而破財。
睇樓紙走盞位：搵朋友代簽
睇樓紙主要保障代理的利益，避免客戶睇完樓再找另一個代理，造成代理之間的不良競爭。有搵樓客為了找到有能力幫手爭取更平售價或租金的代理，不惜用各種手法避簽睇樓紙，譬如拜託友人、男女朋友幫忙簽署等等。
這種方法不一定奏效，假使睇樓前的溝通一直由客戶自己親身親為，到簽睇樓紙時，卻忽爾換上身邊的友人上陣，代理看透破綻，有機會要求客戶自己、甚至同行的所有友人簽署。
簽過睇樓紙 不擔保成功追佣
簽過睇樓紙，睇樓客卻向其他代理租買同一單位，代理要追討佣金，就要入稟進行訴訟。雖有白紙黑字寫明，但法庭考慮的因素並非如此「一刀切」，假設代理表現強差人意，遲遲不回客戶查詢，客戶又非常有意購入單位，不想錯失良機，不得已委託其他代理完成交易，那麼原代理追佣成功的機會或受影響。
