Ads Not Available

情侶請注意! 諗住結婚?記得處理好呢4個財務問題先!

  • By
  • 千居 Spacious
  • October 12, 2015

拍拖一段時間後,係時候諗幾時結婚生仔。每對情侶都希望一起踏入人生嘅另一段,但金錢問題可以大大影響夫妻感情。根據猶他州立大學嘅一份調查,每周為金錢問題吵架一次嘅夫妻,日後離婚嘅機會比每月吵架少於一次的夫婦高出一倍!!如果你計劃同另一半結婚 ,你應該趁早好好了解對方嘅財務狀況。如果可以及早深入了解對方嘅金錢觀同洗費,然後一齊好好計劃將來,就可以避免金錢問題成為你地婚姻嘅絆腳石。想知點做? 等MoneyHero.com.hk 教你做個婚前財務計劃,唔洗為錢煩啦!
marriage1
1.了解對方嘅財政狀況
好多情侶會因怕尷尬而避免傾金錢嘅話題,但如果等到結婚先來處理呢啲問題,金錢有可能大大影響你地嘅感情。如想避免呢個現象,你同你嘅伴侶應該開門見山咁同對方分享金錢觀同洗費習慣,例如儲蓄同債務等問題。呢個talk唔係為左批評對方嘅財政問題,而是為咗了解對方嘅理財習慣,再plan好未來嘅生活。即使你地嘅金錢觀大大不同,記得冷靜地溝通,然後一齊策劃最理想嘅財務管理。早啲發現理財問題就可以早啲解決,良好嘅溝通自然會提升信任感同安全感啦!
marriage4
2. 及早清債來建立良好嘅信貸記錄
好多香港人成日唔肯交足信用卡月費,只係會俾最低付款額。其實還債應該盡早還,負債唔單止會加重財政壓力同負擔,仲有機會令到情侶不和同破壞感情。好多情侶都希望結婚前上車買樓,但最近香港樓價咁高,要儲首期分分鐘難過登天啦!為了圓上車夢,好多人會向銀行借按揭貸款,但如果你有不良信貨記錄,銀行好有可能會拒絕你嘅申請。即使批左,都有可能收較高嘅利率。為了避免呢個現象,結婚前最好盡快清晒所有卡數同其他債務,改善下信貨記錄。如果你嘅家庭突然間需要一大筆錢,都可以用較優惠嘅利率來向銀行借按揭(了解更多按揭,請 按此),或私人貸款(了解更多私人貨款,請 按此)。
marriage5
3. 計劃將來,定好理財目標
除左婚禮洗費外,婚後嘅每樣家庭開支會令到你地頭都大埋。所以,最好就盡早計劃將來,設定短期目標(如旅行同買車)同長遠目標(如儲子女教育基金),仲要早啲討論婚後點樣分配供樓、水電煤等家庭開銷嘅問題。設立聯名戶口嘅好處係可以按個人收入同開支,將固定嘅金額儲入聯名戶口,當家庭儲備金。同時間,如果想保持財務部份獨立,你地應該同時有各自嘅私人戶口,方便儲起「私房錢」當作個人使費同個人投資用。
marriage6
4.幫屋企人買一份保障
好多人以為自己後生唔需要買保險,但當你準備結婚生仔時,就最好未雨綢繆。呢幾年心臟病同癌症等疾病都有年輕化嘅趨勢,再加上醫療費越來越貴,萬一你或你嘅伴侶不幸大病,會對你屋企人造成沉重負擔。你可以考慮買定醫療同危疾保險來應付住院費用同醫療開支。如果你係屋企嘅經濟支柱,可以考慮買人壽保險。即使你不幸過生,你屋企人都可以得到充分嘅經濟保障,避免屋企人日後有金錢問題。(如想比較更多醫療保險,請按此。)
每對情侶都希望婚後感情可以長長久久,但所謂「相見好、同住難」,每種金錢問題都有可能影響夫妻感情。想維持良好嘅關係就要記得互相尊重同經常溝通。早啲同你嘅伴侶計劃將來,鎖定理財目標,婚後生活就唔晒憂!

分類"