千居Spacious
1,000+ 個評分
安裝

尖沙咀知多點

生活日常 | 2016 年 6 月 7 日

唔講唔知,尖沙咀呢個名其實由明、清朝嗰陣已經有記載啦。顧名思義,就係好尖嘅沙咀咁解,姐係咩?指嘅係沙灘、海灣。睇返之前嘅地形圖,你就清楚哂架啦。講返依家,時至今日,大家都知尖沙咀已經發展為一個多元化嘅地區之一,要文化有文化,要餐廳有餐廳,一應俱全。
 

文化

重慶大廈
重慶大廈

單單係尖沙咀呢度,數數下已經有唔同嘅地方文化你可以搵得到。想要kimchi?有金巴利街呢條韓國街,有好多唔同嘅韓國餐廳喺度架。想要宗教色彩?亦有全港最大嘅一座回教清真寺,行過你都會見到唔少信徒專程尼架。行過對面,又有唔少南亞裔人士聚居嘅重慶大廈。英式建築?都有!香港非常出名嘅半島酒店咪就係喺呢度囉。
 

飲食

iSquare
Isquare 上面大把野食

上邊提到有條韓國街,真係有幾多韓國餐廳,鐘意食嘅朋友不妨去行個圈,出邊嘅店員都好用心會用韓文尼請你入去食架。諾士佛臺亦有唔少特色餐廳同酒吧,鐘意fusion菜呀、西班牙菜呀、日本菜呀等等唔同地方嘅異國菜式,又或者想同朋友嘆返杯?尼呢度實冇錯!另外尖沙咀亦都有唔同大型商場,例如The One、I Square、海港城等等,都有唔少餐廳任君選擇架,行完街肚仔餓都冇有怕!
 

旅遊

_MG_6520
有咁多地方,你又想去邊

估唔到尖沙咀地方細細,單單係博物館都已經有三、四間。上至天文,下至地理,穿越古代學歷史,又或者探索現今未來科學?咁尖沙咀你就岩啦。除左博物館,唔少特色建築你亦可以搵得到,星光大道、前水警總部、聖安德烈堂等等,你又點可以錯過呀?

推薦文章

除左大美督,大埔仲好多野玩架!

生活日常 | 2015 年 12 月 9 日

【家居WiFi】WiFi選擇、選購貼士、優劣比較、影響因素

生活日常 | 2022 年 11 月 28 日

白蟻入侵兩週可吃光傢俱!4招分辨白蟻跡象+正確防治白蟻

生活日常 | 2022 年 11 月 7 日

訂閱網誌

接收最新的樓市動態和見解分享