Ads Not Available

點解外籍人士咁鐘意住愉景灣?去到你就知!

  • By
  • 千居 Spacious
  • December 3, 2015

相信好多人都想知點解外籍人士咁鐘意住愉景灣。除左環境清靜,仲有埋獨家戲院同國際學校,睇戲同返學都唔晒離開呢個地區!其實依家好多香港同大陸人都搬去愉景灣,可能大家好想學鬼佬咁,喺香港搵返work life balance。想睇下愉景灣有幾hea?今個週末一於去愉景灣玩一轉啦!

挑戰自己由愉景灣行山行到去梅窩
行山行兩個鐘聽落好似好辛苦,但呢個行山徑好輕鬆,目的係為左俾人見識下香港離島嘅壯麗山海景色。到達梅窩時,記得去睇埋個銀礦瀑布!

去大白灣沙灘享受人生
想學鬼佬咁HEA?除左行山,大家可以去大白灣沙灘hea下。雖然依家天氣凍左,但都可以照攤喺沙灘度聽著海聲發白日夢。有小朋友嘅人仲可以帶佢地去公園玩同喺附近野餐!

去The Bookshop搵返幾本罕有嘅古董書本
喺沙灘睇書都幾寫意呀,一於去The Bookshop搵返本書,做下書蟲先。呢間書店專賣古董書同罕有嘅書,聽聞店主Terry Boyce成日去拍賣買罕有嘅書本,然後由英國運書來享有。

分類"
Exit mobile version