Ads Not Available

【裝修DIY】 盤點10個平價慳位「收納小撇步」

  • By
  • 千居 Spacious
  • October 12, 2020

時下流行裝修 DIY,家居裝修也可以自己動手做,發揮一下創意,將平凡小物改造成家居裝修飾,室內佈置就更有風格。香港地少人多,家居空間有限,千居為你介紹10個意想不到的裝修DIY收納小撇步,簡單易整之餘,更可以慳位,令屋企更加企理整齊!



1. 手工掛桶

想為洗手間或房間增添一點空間同樂趣?你可用繩綁起幾個桶,然後掛起,增加儲物空間,放置梳洗用品。如果物件較重,可將掛架鑽入牆。


2. 創意文件夾畫

掛起哂d文件夾喺幅牆上面,實用之餘望落去又有美感。除左可以放文件之外,又可以拼埋一齊做幅畫,一舉兩得。最正嘅係你可以掛多個細盒仔,放埋文具入去。


【最新樓盤】搜尋 600 萬內上車盤 →


3. 手作上舖床掛檯

上下舖床一向都係兄弟姐妹一齊訓嘅最佳選擇,但係訓親上面嘅都煩惱無位擺野。唔知你又有冇諗過整返張掛檯,等訓上面嘅你生活更美好呢?呢樣絕對係一樣實用嘅DIY,就算訓上格床以後都唔駛再怕倒瀉野飲啦。


4. 用一個衣架掛頸巾、衫嘅鉤&衣架

頸巾、細冷衫通常都係細件,但喺衣櫃入面成日都就係搵唔到合適嘅地方擺好佢地。有冇諗過簡簡單單用個鉤同衣架,就可以整到個靚位擺好佢地呢?慳工夫之餘又唔駛用到複雜嘅野,呢樣小手作絕對係拯救細件衣物嘅救星。


5. 軟木提士板變首飾架

相信唔少人,特別係女士們,屋企都有唔少珍藏嘅珠寶首飾。有冇諗過用塊軟木板掛起佢地呢?除左慳位之餘,又可以將d 靚靚首飾陳列出尼,變做牆上面嘅裝飾。即使最後唔岩用,都可以做返一塊普通嘅告示版,釘下紙仔提下自己要做d咩。


【最新樓盤】搜尋所有放售樓盤 →


6. 雙重衣架

香港地唔係個個都有私人衣帽間,有限的空間,無限的靚衫,有效的衣櫃收納方法就好重
要喇!除了善用垂直空間,將衣服掛起,更可以用汽水罐拉環,令收納空間足足增加一倍!
(温馨提示:要留意衣櫃同衣服能唔能夠承受重量啊)


7. 化妝品收納器

做女人既,化妝品永遠唔嫌多(小編默默點頭),但係買下買下,有啲用完隨手擺喺櫃桶,
咁就從此不見天日;每朝化妝趕時間仲要左揾右揾,簡直亂過打仗⋯⋯用左呢個DIY方
法,自然一目了然啦!


8. 門後掛物架

大部分門的頂部都有一處好窄的縫隙,呢個位置當然要好好善用,簡單整個掛物架,你就
可以將之前講過的物品掛上去,收納空間又大左!


【最新樓盤】搜尋 18 區租盤 →


9. 磁條掛刀

我地可以將雪櫃的磁貼發揚光大,應用喺家居其他地方,磁條慳位之餘,絕對能夠成為收
納廚具(温馨提示:需要較強磁力)、髮夾、首飾的好幫手!


10. 垂直鞋架

呢樣慳位法寶真係居家必備,尤其你屋企係大家庭,個個都有N對鞋,擺喺地下唔美觀之
餘,仲可能唔太好聞。現在市面上都有唔同款式的鞋架,梗有一款match到你的家居風格!


分類"
Exit mobile version