千居Spacious
1,000+ 個評分
安裝

樂活·西貢

生活日常 | 2015 年 8 月 10 日

西貢由原來既小漁港變成今日充滿著歐陸風情既休閒國度,由享受陽光與海灘、品嘗新鮮捕獲既海鮮以及參觀香港罕有既火山岩地質面貌,西貢既生活遠比我地平日想像既更豐富、更吸引。今日帶大家睇下如何「樂活西貢」:

海灘

水清沙幼既海灘似乎已經同西貢掛釣,只要提起西貢,往往會諗起一幅陽光與海灘既美好畫面。西貢既銀線灣以及清水灣第一灣、第二灣海灘絕對唔會令你失望,寬闊既大海配以西貢翠綠的山林環繞,去海灘浸一浸已經成為西貢人生活既一部分。
rsz_saikung2

水上活動

西貢可以話係香港最齊全、最好玩既水上活動地區,由獨木舟、滑水、船p、水上電單車等應有盡有,因為競爭大,係西貢玩水上活動既選擇又多、價錢亦合理。想享受夏天? 淨係去海灘哂太陽邊到夠! 同一班朋友係西貢出海、玩下香蕉船同wakeboarding先至過癮!
rsz_saikung3

地質之旅

作為中國香港世界地質公園既一部分,西貢火山岩園區入面擁有各樣令人讚嘆既大自然面貌,獨有既火山岩形成既海蝕洞、雄偉既海蝕穴以及糧船灣內罕見既火山岩六角形岩柱等等,宏偉既大自然痕跡更令西貢增添其獨特既魅力。
rsz_saikung4

行山

除左海,西貢既行山徑亦係好多西貢人引以為榮既地方。沿住行山徑會經過西貢浪茄同萬宜水庫 ,途中可以欣賞附近既迷人景色同呼吸自然既空氣,係香港少數可以遠離煩囂既好去處。唔少西貢人都會帶埋狗仔去行下山、行下海滂,成個西貢都係一個pet-friendly既社區,唔使驚你既狗仔係到搵唔到朋友仔!
rsz_saikung5

食海鮮

沿住西貢海滂會見到唔少漁販會係停泊緊既小舟上擺放各種海產,而客人就係岸上面選購; 買完海鮮仲可以即刻攞到隔離既海鮮街,由經驗老到既師傅幫你烹調,點煮點食都可以自己話事。所以話西貢人真係有口福!!
rsz_saikung6

夜西貢

講到夜生活,可能大家只會諗起落老蘭clubbing un un 下,同異性flirt 下既生活。但西貢既夜生活依然保持住一種舒服、慢活既態度: 一班知己可以去西貢既露天酒吧,係海風既襯托下飲住酒吹下水; 講到西貢既夜晚,當然不得不提夜釣墨魚啦,夜媽媽都仲有得玩有得食,除左西貢仲去邊到搵?!
 

推薦文章

11月玩轉香港 盡享美酒佳餚

生活日常 | 2016 年 11 月 4 日

點解外籍人士咁鐘意住愉景灣?去到你就知!

生活日常 | 2015 年 12 月 3 日

香港人成日叫天水圍做「悲情城市」,唔好諗到咁灰啦,天水圍都好多野玩架!

生活日常 | 2015 年 11 月 25 日

訂閱網誌

接收最新的樓市動態和見解分享