【美食沙漠不再】馬鞍山居民有福了!We Go Mall 2018年首季開幕

  • By
  • Doris Liu
  • October 23, 2017

馬鞍山作為「第三代新市鎮」,依家已經係沙田區內數一數二多人住嘅地方。雖然以住宅為主,但馬鞍山區內設備十分完善,有齊大型商場、市鎮公園、海濱長廊、體育館、游泳池及公共圖書館等等。交通亦十分方便,皆因有港鐵馬鞍山綫連接。馬鞍山唯一美中不足嘅就係較少食肆,因此被稱為「美食沙漠」。

但係馬鞍山居民2018年起就唔使再愁有關食嘅問題,因為馬鞍山保泰街將會起一個叫做「We Go Mall」嘅商場。呢個商場樓高6層,以購物及國際美食為主題,地面至4樓屬商業樓面,頂層天台就用黎做綠化公眾休憩空間。

【搜尋馬鞍山租售盤】

發展商簡介商場。圖片來源:明報新聞網。

發展商表示,商場將會提供50至70個舖位,目前同各式各樣嘅商戶洽談中,包括飲食、連鎖店、幼兒教育中心等。

We Go Mall 吸引不同品牌進駐。圖片來源:Franchise India。

發展商更加透露商場目前已經租出過半樓面,最大嘅租客係超級市場同酒樓,各佔地逾2萬平方呎。睇嚟馬鞍山友可以約定屋企人同朋友去嘆茶啦。除咗中式酒樓之外,發展商亦都同台式餐飲、冰室同意大利菜品牌傾好租約,另外又同日本及韓國餐廳洽商中,相信有機會接近一半出租嘅樓面會用作餐飲用途。

國際美食將齊集於We Go Mall。圖片來源:Lockerdome。

千居都有唔少租盤、賣盤位處We Go Mall附近,以下呢三個係我哋嘅精選!

  1. 嵐岸
  2. 嘉華星濤灣
  3. 海典灣

我哋嘅網頁同手機應用程式,仲有好多其他荀盤嘅資料,大家唔好錯過啦!