【朕一般嘅享受】依家最流行嘅梳化係⋯⋯

  • By
  • Doris Liu
  • August 11, 2017

曾幾何時,梳化只係愛嚟坐嘅一樣傢私。但隨著時間流逝,我哋對梳化嘅要求愈嚟愈高。要軟軟哋坐得舒服,又唔可以太軟承託唔到條腰骨。另外,又出現咗梳化床呢樣神器,將梳化反落嚟就可以有地方訓。依家最流行嘅梳化——電鉸梳化,已經進化到唔使反落嚟就有位瞓。
電鉸梳化有一個彈鉸,彈出嚟之後就可以「long」高雙腳,背脊挨住嘅位又可以向後傾,變相整咗張床出嚟。角度可以由用家自行調較,睇電視時可以將背墊較直啲,咁就可以直望到電視;做嘢做到攰就可以較低背墊,喺「床」上面小休一陣。

梳化可以變床。圖片來源:tradeduck。

電鉸梳化迷思一:電鉸易壞?
其實唔可以一概而論,要視乎製造嘅質量、使用嘅情況、保養嘅工作等等多方面嘅因素。

電鉸梳化迷思二:電鉸嘥電?
如果唔打算用到電鉸嘅時候,可以唔插電制,咁咪唔嘥電囉?

電鉸梳化迷思三:電鉸梳化咁貴?
電鉸梳化比普通梳化貴好多,一嚟係賣電鉸呢項技術,二嚟係賣舒服。平心而論,電鉸梳化的確比普通梳化舒服,只係銀碼上面嘅數字令買家唔舒服啫。

唔知睇完呢篇文章嘅你,有冇興趣試吓呢一款現時最流行嘅電鉸梳化呢?

分類"