【住宅新潮流】開放式單位住出新「細」界

  • By
  • 千居 Spacious
  • July 27, 2017

Spacious千居觀察到最近市場興起一股新潮流,就係開放式住宅啦。我哋將會推出兩篇文章,今篇會介紹吓咩係開放式住宅,下一篇會介紹吓呢類住宅嘅優點同缺點,大家唔好錯過!

開放式住宅係咩原理?
開放式建築嘅理念認為「空間嘅存在係恆常嘅,但其內容嘅使用卻係變化嘅。」就咁睇有啲難明,其實意思即係話我哋唔可能改變空間嘅大小,但我哋可以改變點樣去使用自己擁有嘅空間。所以即使地方有限,但只要我哋好好利用空間,一樣可以做到好嘅效果。

到底開放式建築係點樣「好好」運用空間呢?
其中一個方法就係唔加隔牆,或者用家俬代替隔牆。變相大廳、飯廳、客廳、廚房、睡房、主人房等等嘅分類會消失,成間屋變成一個巨大嘅空間,所有「廳」啊「房」啊都會融為一體。

香港有咩開放式住宅?
香港都有唔少嘅開放式住宅選擇,尺寸由細至大都有。細至100呎,大至20,000呎嘅單位都可以搵到。而且開放式單位偏佈全港唔同地區,港九新界都有。例如灣仔嘅富利大廈、深水埗AVA61沙田嘅河畔花園、甚至遠到南丫島嘅寶華園等等。如果想睇更多樓盤嘅資料,可以上千居網頁睇吓。

【立即搜尋沙田租售盤】

灣仔富利大廈。圖片來源:Spacious。
深水埗AVA61。圖片來源:Spacious。
南丫島寶華園。圖片來源:Spacious。